安慰「唔好谂咁多」无助解困 专家:要畀对方讲多啲

354
作者:LifeTube

【苹果x防止自杀会社会实验】
如果身边有人告诉你想自杀时,该如何应对?

 

相关新闻:【生命冇take 2】学校设生命教育科 助学生建正向价值观

 

香港撒玛利亚防止自杀会总干事曾展国表示,若察觉到身边的人有自杀念头时,应该要直接找当事人倾谈,「但唔好同佢讲『唔好谂咁多啦』、『唔好谂儍事啦』,呢啲都係完全帮唔到佢嘅方法,有自杀倾向嘅人其实喺过程中係想搵人协助,所以反而係要畀对方讲多啲佢心入面谂紧咩,有咩缠绕住佢,等佢有个出口,好多时如果人哋情绪有出口,会减低咗好多压力」。

曾展国强调过程应「多聆听、少判断」,若最终认为自己不懂如何处理时,应提议对方寻求专业协助,「当然唔係提议完就算,聆听之后就要同行,就係同佢一齐去搵专业协助,比佢觉得有人会同佢一齐去面对个问题」。

 

相关新闻:【社会实验】「如果我同你讲,我想自杀,你会点啊?」

有研究指出,一旦有人选择以自杀方式结束生命,将会对最少6个人造成直接影响,曾展国表示自杀对他人造成的影响深远,「亦都会引致呢啲人嘅自杀危机大咗,越亲就越大,因为佢哋会自责,觉得自己点解无关心到身边呢个亲人,如果自己做得好啲,或者唔做某啲嘢,或者佢就唔会自杀。另外就係会嬲自杀嘅亲友,觉得点解要自杀,好多疑问同质疑,呢个心情係非常複杂,对佢哋嚟讲係唔容易过,亦都唔係短时间嘅嘢,可能会缠绕数十年」。

 

记者 李雨梦

 

24小时求助热线︰
香港撒玛利亚防止自杀会热线︰2389 2222
撒玛利亚会热线(多种语言)︰2896 0000
生命热线︰2382 0000
东华三院芷若园热线︰18281
社会福利署热线︰2343 2255
医院管理局精神健康专线(24小时精神健康热线谘询服务):2466 7350
明爱向晴热线:18288
赛马会青少年情绪健康网上支援平台「Open噏」:www.openup.hk

 

文章授权转载自《苹果日报》,原文刊于「即时专题」:安慰「唔好谂咁多」无助解困 专家:要畀对方讲多啲