【社會實驗】「如果我同你講,我想自殺,你會點啊?」

710
作者:LifeTube

【蘋果x防止自殺會社會實驗】

「如果我同你講,我想自殺,你會點啊?」
「點解你想自殺?」
「最近屋企好多嘢發生……」

 

相關新聞:【生命冇take 2】學校設生命教育科 助學生建正向價值觀

 

以上對話,出自培英中學的中三學生陳育朗口中。學童自殺的議題,一直無間斷出現在新聞報道裏,針對這現象,《蘋果》聯同香港撒瑪利亞防止自殺會在培英中學進行了一場社會實驗。實驗當天,陳育朗為「做媒」學生,除了全程表現出情緒低落的狀態外,亦在言談間向同學透露有自殺傾向。

到了實驗尾聲時,育朗向身邊的好友一一交上預先寫下的遺書,然後跑到學校最高樓層。當同學們得悉那是一封遺書後,立刻慌張地尋找陳育朗,找到當事人後,有人立刻制止陳育朗、有人大哭、有人震驚、有人腳軟……對於這群十多歲的年輕人來說,這是否一場震撼式的生命教育?

 

相關新聞:【生命冇take 2】安慰「唔好諗咁多」無助解困 專家:要畀對方講多啲

 

社會實驗過後,十多名學生驚魂未定,既恐慌,也在得悉這是一次社會實驗後感到憤怒。

有人說︰「遇到呢啲事真係會驚,驚萬一佢真係跳咗落去……我可能會冇咗個朋友,所以知道嗰刻一定要去搵佢。」

也有人說︰「當收到封信嘅時候,真係唔肯相信係真。」

有人反思︰「如果唔開心嗰陣,真係無人去關心我嘅話,係會諗原來我咁唔值得人關心?所以關心同陪伴真係好重要。」

在社會實驗進行前,有學生認為自殺無法解決問題,若身邊有人透露有自殺念頭時,「打去撒瑪利亞防止自殺會,如果佢唔開心就同佢傾吓」,但在實驗進行的過程中,始知當遇上友人出現情緒問題,那一刻是不知所措的。事後訪問時,該名學生表示因為「驚自己會講錯嘢,可能會有反效果...」

這批學生中,大部份人都未曾有過朋友自殺的經歷,但有一個學生表示,過去曾經遇過類似的情況,「佢係我最好朋友嚟,雖然有同老師講,但佢都係跳咗落去,我真係好想打佢……」

 

在過程中扮演有自殺傾向的陳育朗看見同學的反應後,直言感到意料之外,「我冇諗過有人會為我喊,另外都有一個同學令我體會好深,因為我哋以前關係都幾差,但係佢係第一個扶我落去、同埋有WhatsApp關心我,我真係冇諗過」。

 

香港撒瑪利亞防止自殺會總幹事曾展國表示,在實驗過程中,學生的反應屬正常,「甚至可能已經比好多成年人都較好,見到佢哋有好多真情嘅反應、情緒嘅表達,佢哋會有關心問候、好緊張、亦會喺收到遺書之後去搵個同學去咗邊」,但不夠鎮定或會影響判斷,「冇去搵成年人協助,呢個問題比較常見於年青人或學生中,因為有少少抗拒成年人或者權威,或者會驚如果搵成年人協助,係對於有自殺傾向者嘅背叛」。曾展國表示,當面對生死關頭時,應該要將這些疑慮放下,「因為最終可能冇咗專業嘅協助而損失一個生命時,呢個會變成更加大嘅問題」。

 

記者 李雨夢

鳴謝:

香港撒瑪利亞防止自殺會
香港培英中學

24小時求助熱線︰

香港撒瑪利亞防止自殺會熱線︰23892222
撒瑪利亞會熱線(多種語言)︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線(24小時精神健康熱線諮詢服務):24667350
明愛向晴熱線:18288
賽馬會青少年情緒健康網上支援平台「Open噏」:www.openup.hk

 

文章授權轉載自《蘋果日報》,原文刊於「即時專題」:【社會實驗】「如果我同你講,我想自殺,你會點啊?」【蘋果動新聞】片段