安慰「唔好諗咁多」無助解困 專家:要畀對方講多啲

497
作者:LifeTube

【蘋果x防止自殺會社會實驗】

如果身邊有人告訴你想自殺時,該如何應對?

 

相關新聞:【生命冇take 2】學校設生命教育科 助學生建正向價值觀

 

香港撒瑪利亞防止自殺會總幹事曾展國表示,若察覺到身邊的人有自殺念頭時,應該要直接找當事人傾談,「但唔好同佢講『唔好諗咁多啦』、『唔好諗儍事啦』,呢啲都係完全幫唔到佢嘅方法,有自殺傾向嘅人其實喺過程中係想搵人協助,所以反而係要畀對方講多啲佢心入面諗緊咩,有咩纏繞住佢,等佢有個出口,好多時如果人哋情緒有出口,會減低咗好多壓力」。

曾展國強調過程應「多聆聽、少判斷」,若最終認為自己不懂如何處理時,應提議對方尋求專業協助,「當然唔係提議完就算,聆聽之後就要同行,就係同佢一齊去搵專業協助,比佢覺得有人會同佢一齊去面對個問題」。

 

相關新聞:【社會實驗】「如果我同你講,我想自殺,你會點啊?」

有研究指出,一旦有人選擇以自殺方式結束生命,將會對最少6個人造成直接影響,曾展國表示自殺對他人造成的影響深遠,「亦都會引致呢啲人嘅自殺危機大咗,越親就越大,因為佢哋會自責,覺得自己點解無關心到身邊呢個親人,如果自己做得好啲,或者唔做某啲嘢,或者佢就唔會自殺。另外就係會嬲自殺嘅親友,覺得點解要自殺,好多疑問同質疑,呢個心情係非常複雜,對佢哋嚟講係唔容易過,亦都唔係短時間嘅嘢,可能會纏繞數十年」。

 

記者 李雨夢

 

24小時求助熱線︰
香港撒瑪利亞防止自殺會熱線︰2389 2222
撒瑪利亞會熱線(多種語言)︰2896 0000
生命熱線︰2382 0000
東華三院芷若園熱線︰18281
社會福利署熱線︰2343 2255
醫院管理局精神健康專線(24小時精神健康熱線諮詢服務):2466 7350
明愛向晴熱線:18288
賽馬會青少年情緒健康網上支援平台「Open噏」:www.openup.hk

 

文章授權轉載自《蘋果日報》,原文刊於「即時專題」:安慰「唔好諗咁多」無助解困 專家:要畀對方講多啲